بەپێی تەمەنت بزانە پێویستە ڕۆژانە چەند كاتژمێر بخەویت

توێژەرەوەكانی بواری تەندروستی  لەڕاپۆرتێكی نوێدا ئەوەیان ئاشكرا كرد كە جەستەی مرۆڤ بەگوێرەی تەمەنی پێویستی بەوە هەیە لەشەو ڕۆژێكدا چەند كاتژمێر بخەوێت،لەم توێژینەوەیدا كۆمەڵێك كەس لەچەندین تەمەنی جیاوازدا بەشداریان كرد و ئەمەش ئەنجامی توێژینەوەكە بوو:
1-ئەو منداڵانەی كەتازە لەدایكبوون ئەو پێویستە لەشەو ڕۆژێكدا 14 بۆ 17 كاتژمێر بخەون.
2-كاتێك منداڵ دەبێتە 11 مانگ ئەوە جەستەی پێویستی بە 12 بۆ 15 كاتژمێر خەوتن هەیە.
3-كاتێك منداڵ دەگاتە تەمەنی دوو ساڵی ئەوە پێویستە لەشەوڕۆژێكدا 11 بۆ 14 كاتژمێر بخەوێت.
4-لەتەمەنی 3 بۆ 5 ساڵی پێویستە منداڵ 10 بۆ 13 كاتژمێر لەشەو ڕۆژێكدا بخەوێت.
5-كاتێك منداڵ دەچێتە خوێندنگە واتە لەتەمەنی 6 بۆ 13 ساڵی پێویستە لەماوەی شەو ڕۆژێكدا 9 بۆ 11 كاتژمێر بخەوێت.
6-لەتەمەنی 14 بۆ 17 ساڵی جەستەی مرۆڤ پێویستی بە 8 بۆ 10 كاتژمێر خەوتن هەیە .
7-ئەو كەسانەی كەگەنج و پێگەیشتون پێویستە لەشەو و ڕۆژێكدا 7 بۆ 9 كاتژمێر بخەون.
8-كاتێك مرۆڤ دەچێتە تەمەنەوە واتە لەتەمەنی 65 ساڵی و بەرەو دوا پێویستە 7 بۆ 8 كاتژمێر لەشەو ڕۆژێكدا بخەون.